سياسة الخصوصية

1) شو المعلومات الي بنجمعها؟

وقت التسجيل (إجباري):

• الاسم الكامل، الصف، والفرع (لو كنت توجيهي)، ونوع الحساب.
• رقم الجوال / الواتساب والإيميل.
• كلمة السر، وسؤال أمان وجوابه (لاسترجاع حسابك لو نسيت كلمة السر).

اختياري: صورة شخصية ونبذة عنك.

الي بتنشره بنفسك: المنشورات، الأسئلة، الشروحات، التعليقات، التفاعلات، والملفات أو الصور الي بترفقها بالرسائل.

الإبلاغات والحظر: لما حدا بيبلّغ عن منشور أو تعليق، بنحفظ نسخة من المحتوى المُبلَّغ عنه، واسم صاحبه، وسبب البلاغ، عشان الإدارة تقدر تراجعه. وقائمة الحظر الي بتعملها بتنحفظ عشان تشتغل.

إحصائيات الزيارة: بنستخدم أداة Google Tag Manager على بعض الصفحات العامة لنفهم كيف بتتصفح المنصة وكيف نحسّنها.

2) ليش بنجمعها؟

• لإنشاء حسابك وتسجيل دخولك وإظهار صفّك وفرعك لتوصلك المحتويات المناسبة.
• لتشغيل المنشورات والأسئلة والرسائل والإشعارات.
• لاسترجاع حسابك لو نسيت كلمة السر، وللتواصل معك لو احتجنا.
• لحماية المنصة: مراجعة البلاغات وحذف المحتوى المخالف.
• لتحسين سرعة المنصة وتجربتها.

ما بنستخدم بياناتك لأي غرض تاني غير هذا.

3) مين بيشوف شو؟

⚠️ الصور والملفات المرفوعة (الصورة الشخصية، مرفقات الرسائل، صور التعميمات) بتنخزن على روابط مباشرة. الرابط صعب التخمين، بس أي حدا بيحصل عليه بيقدر يفتحه، فلا ترفع شي ما بتحب يوصل لغيرك.

4) وين بتنخزن بياناتك ومين بيعالجها؟

بنستخدم خدمة Supabase لتسجيل الدخول وقاعدة البيانات وتخزين الملفات، وبتنحمي بقواعد صلاحيات على مستوى قاعدة البيانات. وبنستضيف المنصة على Cloudflare Pages.

الخدمات الخارجية الي بتتواصل معها المتصفحات وقت التصفح: Google Fonts (الخطوط)، jsDelivr (مكتبة برمجية)، وGoogle Tag Manager (إحصائيات). هاي الجهات بتشوف عنوان الـ IP ونوع جهازك مثل أي موقع بالإنترنت، وإلها سياساتها الخاصة.

ما بنبيع بياناتك، وما بنشاركها مع أي جهة إعلانية. وبنكشف معلومات عن حساب لجهة رسمية فقط لو انفرض علينا قانونيًا، أو لحماية حدا من خطر حقيقي.

5) الرسائل الخاصة

الرسائل بتنخزن بقاعدة البيانات عشان توصلك وتضل بمحادثاتك، وبتظهر لك وللطرف التاني فقط داخل المنصة. الرسالة الأولى لحدا ما بتعرفه بتروح كطلب مراسلة، وبتقدر ترفضها أو تحظر المرسل.

إدارة المنصة بتحاول ما تدخل على الرسائل، وما بنراجع محادثة إلا لو في بلاغ عنها أو سبب أمني واضح. ولأن الإدارة هي الي بتشغّل قاعدة البيانات، فمن الناحية التقنية الوصول ممكن، وبنلتزم ما نستخدمه إلا بهاي الحالات.

6) شو بتقدر تتحكم فيه؟

• تعديل أو حذف منشوراتك وأسئلتك وشروحاتك وتعليقاتك بأي وقت.
• تعديل صورتك ونبذتك واسمك من صفحة البروفايل.
• حظر أي شخص أو رفض طلبات المراسلة.
• حذف الحساب: حاليًا بتقدر تطلب حذف حسابك وبياناتك بالتواصل معنا عبر واتساب (الرابط تحت)، وبنتعامل مع طلبك بأسرع وقت ممكن.
• طلب نسخة من معلوماتك الأساسية أو تصحيحها.

ملاحظة صادقة: لو حدا بلّغ عن محتوى قبل ما تحذفه، ممكن تضل نسخة من البلاغ عند الإدارة لمراجعته.

7) شو بيتخزن على جهازك؟

بنستخدم تخزين المتصفح (localStorage) لحفظ جلسة تسجيل الدخول عشان ما تدخل كل مرة، ولحفظ اختيارك للوضع الليلي. وبنستخدم ذاكرة مؤقتة (Service Worker) لتسريع المنصة وتشغيل جزء منها مع النت الضعيف. بتقدر تمسحهم من إعدادات المتصفح بأي وقت (راح تحتاج تسجّل دخولك من جديد).

8) الأمان

بنعتمد على خدمات معروفة وتشفير للاتصال (HTTPS) وتشفير كلمات السر، بس ما في نظام آمن 100%. نصيحتنا: اختار كلمة سر قوية ما بتستخدمها بمكان تاني، وما تشاركها مع حدا، وسجّل خروج لو دخلت من جهاز مش إلك.

المنصة موجهة للطلاب، فاحرص (خصوصًا للأصغر سنًا) ما تنشر عنوانك أو معلومات حساسة بالمنشورات أو الرسائل. ولأولياء الأمور: تواصلوا معنا لأي استفسار أو طلب حذف.

9) لو غيّرنا السياسة

لو صار تغيير مهم بنعدّل هالصفحة ونغيّر تاريخ آخر تحديث، وبنعلمكم من صفحة "تحديثات رفيق".

10) تواصل معنا

عندك سؤال أو طلب بخصوص بياناتك؟ احكينا مباشرة:

بتستخدم المنصة، فأنت بتوافق على هاي السياسة وعلى قوانين المنصة.