رفيق Rafiq | منصة تواصل طلاب المدارس في غزة سنة الدراسة أسهل مع بعض

الدراسة أسهل لما يكون في حدا جنبك. هدف رفيق إنه يكون عند كل طالب بغزة مكان يلاقي فيه زملاءه، يسأل ويتعلّم منهم، ويوصله كل تعميم مهم أول بأول.

رفيق مبني على فكرة بسيطة: الطالب بيتعلّم أحسن لما يلاقي حدا يسأله ويشرحله بلغته. لهيك جمعنا طلاب المدارس في غزة بمكان واحد، من الصف الأول للتوجيهي بكل أفرعه، وجهّزنا الأدوات اللي بتحتاجها بسنة الدراسة، من سؤال سريع قبل الامتحان لحد متابعة آخر تعميم من الإدارة.

رفيق إلكم أنتو طلاب المدارس في غزة، بكل المراحل: من الصف الأول للرابع، ومن الخامس للتاسع، ومن العاشر لحد التوجيهي. وبالتوجيهي بنغطي كل الأفرع: العلمي والأدبي وريادة الأعمال والصناعي والشرعي والزراعي واقتصاد منزلي. كل صف إله أسئلته وشروحاته، فما بتضيع بين مواد مش تخصك.

وإذا إنت ولي أمر، بتقدر تفتح حساب على المنصة وتتابعها مع ابنك أو بنتك.

1. سجّل حسابك

   خطوة وحدة بس: بتختار صفك، وفرعك لو بالتوجيهي، وبتحط سؤال أمان لو نسيت كلمة السر.

2. تعرّف على المنصة

   تصفّح أسئلة وشروحات صفك، وتابع تعاميم الإدارة والروابط الرسمية.

3. شارك وتفاعل

   اسأل، اشرح، علّق، وضيف مواعيد اختباراتك وواجباتك ليذكّرك رفيق قبلها بيوم.

كم عادة بسيطة بتخلّي رفيق أداة حقيقية بتساعدك تدرس أحسن، مش بس مكان تتصفحه.

• اكتب سؤالك بوضوح، واذكر المادة والصف، عشان زملاءك يلاقوا الجواب أسرع.
• اشرح الدرس لزميلك: الشرح من أحسن طرق المراجعة، وبيثبّت الفكرة براسك.
• سجّل مواعيد اختباراتك وواجباتك بمواعيدي، ورفيق بذكّرك قبلها بيوم.
• دوّن ملاحظاتك بدفتر ملاحظاتي الخاص، وما حدا بشوفه غيرك.
• احفظ المنشورات والأسئلة المهمة بالمفضلة، وارجعلها قبل الامتحان.

• أول رسالة من أي طالب بتصير طلب، والمحادثة ما بتنفتح إلا لما تقبل.
• بتقدر تحظر أي حدا، وتبلّغ عن أي محتوى مسيء بضغطة وحدة.
• لو نسيت كلمة السر بترجّعها بسؤال الأمان اللي اخترته.